ПРОГРАМА НА ПАТУВАЊЕ

​

1 ден | 03.10.2021 СКОПЈЕ/ОХРИД – ТИРАНА

Состанок на групата на паркингот кај спортска сала Борис Трајковски во 20:00 часот. Поаѓање за Тирана преку Охрид со автобус. Попатно качување на патници во Охрид околу 23:00 часот пред хотелот Дончо.

​

2 ден | 04.10.2021 ТИРАНА – ЏЕНОВА

Пристигнување на аеродромот во Тирана околу 03:00 часот. Полетување за Рим во 05:25 часот. Слетување во Рим во 06:50 часот. Полетување за Џенова во 09:30 часот. Слетување во Џенова во 10:35 часот. По завршување на пасошките и царински формалности организиран превоз до пристаништето на МСЦ во Џенова. Процедура за чекирање на нашиот брод МСЦ СПЛЕНДИДА. Почеток на крстосувањето.

​

3 ден | 05.10.2021 БАРСЕЛОНА 13:00 – 18:00

Можност за факултативен разглед на Барселона во траење од 3 часа. Автобуски разглед на неколку значајни обележја на градот, Шпанско село, Монжуик, Саграда Фамилија на Антонио Гауди како и куќите Мила и Батљо, плоштадот Каталонија и улицата Рамбла.

​

4 ден | 06.10.2021 Пловидба

Ден во пловидба, можност за уживање во содржините на бродот Сплендида.

​

5 ден | 07.10.2021 КАЗАБЛАНКА 08:00 – 22:00

Можност за факултативен разглед на Казабланка. Основан од Картагените кои го нарекле Анфа, градот со денешен изглед е целосно изграден по катастрофалниот земјотрес во 1755 година. Панорамски ќе ги разгледаме главните улици и плоштади, кратко застанување во Habous деловите и локалниот пазар да го почуствуваме секојдневниот живот во градот. Ќе ја посетиме катедралата Notre Dame de Lourdes како и најзначајното обележје, величествената џамија на Хасан II, најголемата џамија во исламскиот свет по онаа во Мека. Слободно време за шопинг.

​

6 ден | 08.10.2021 Пловидба

Ден во пловидба, можност за уживање во содржините на бродот Сплендида.

​

7 ден | 09.10.2021 САНТА КРУЗ ДЕ ТЕНЕРИФЕ 08:00 – 17:00

Можност за факултативен разглед. Сместен спроти западниот брег на Африка, Тенерифе е најголемиот остров на Канарскиот архипелаг, благословен со умерена клима и прекрасни пејсажи како и дом на прекрасни крајбрежни ресорти од кои еден ќе посетиме-Puerto de la Cruz сместен на северниот брег на островот. Панорамско возење низ долината Оротава и посета на истоименото мало градче. Основан во 15-от век од неколку богати семејства кои живееле на островот, Оротава сочувала бројни остатоци од минатото. Шетајќи низ живописните улички на ценарот на градот ќе стигнеме до познатата Casa de Balcones, трикатна куќа од 17от век со балкони и двор направени од борово дрво. Куќата е типичен пример на тоа како изгледала аристократска куќа во посочените периоди. Турата продолжува со посета на ботаничка градина богата со тропски билки. И така стигнуваме до Puerto de la Cruz, главниот туристички центар на островот, прекрасно место да ги истражите полните улички, уживате во одлична атмосфера и направите шопинг терапија.

​

8 ден | 10.10.2021 ФУНЧАЛ 09:00 – 17:00

Можност за факултативен разглед. Името Фунчал доаѓа од растение од анасон, кое се користи во слатките rebuçados de funcho кои може да се најдат насекаде низ островот Мадеира. По 30 минутно возење стигнуваме до Eira do Serrado и застануваме на 1.026 метри надморска височина на место со фантастичен поглед на околните планини и на селото кое лежи во долината Нун. Продолжуваме до селото Монте сместено високо во планините, да го посетиме соборниот храм Nossa Senhora do Monte, црква со прекрасни градини од величествени растенија кои ја прават климата на Мадеира извонредна. Бидете спремни за величествен поглед кога ќе се спуштаме со жичарница накај Фунчал. Слободно време за шопинг, кафе и вино.

​

9 ден | 11.10.2021 Пловидба

Ден во пловидба, можност за уживање во содржините на бродот Сплендида.

​

10 ден | 12.10.2021 МАЛАГА 08:00 – 14:00

Можност за факултативен разглед. Сместена на најјужниот дел на Шпанија на брегот на Медитеранот, Малага не е само најпознато туристичко место со нејзините плажи и сончева клима, туку и еден од најстарите светски градови и родното место на Пабло Пикасо. Турата започнува со прошетка низ главните улици на градот, големиот булевар Alameda Principal покрај кој е своевидна ботаничка градина со тропски растенија. Посета на катедралата од 16от век, еден од најважните примери на Андалузиската Ренесансна архитектура. Прошетка покрај тврдината Gibralfaro. Слободно време за прошетка низ живописните улици на централна Малага како и за шопинг и вино.

​

11 ден | 13.10.2021 Пловидба

Ден во пловидба, можност за уживање во содржините на бродот Сплендида.

​

12 ден | 14.10.2021 РИМ (РИМ ТИРАНА)

Пристигнување во Чивитавекија во 09:00 часот. Напуштање на бродот околу 10:00 часот. Организирана целодневна посета на Рим. Колосеум, Ватикан и Свети Петар (од надвор), Пјаца Навона, Шпански скали, Фонтана ди Треви, Пјаца Венеција... Поаѓање накај аеродромот во Рим во 18:00 часот. Полетување за Тирана во 22:10 часот. Пристигнување во Тирана во 23:40 часот. По пасошките и царински формалности поаѓање накај Охрид и Скопје.

​

13 ден | 15.10.2021 ОХРИД СКОПЈЕ

​

Пристигнување во Охрид околу 01:00 часот.

Пристигнување во Скопје околу 04:00 часот.