НЕАПОЛ, СОРЕНТО И КАПРИ | ЛЕТ ОД СКОПЈЕ | CITY BREAK

20.03.2026 - 23.03.2026 (три ноќевања)

​​

ЦЕНА ПО ЛИЦЕ: 419 ЕУР / 25894 МКД

​

НЕАПОЛ (Наполи) – Основан пред повеќе од 2.500 години, Неапол е еден од најстарите континуирано
населени градови во светот. Прошетајте низ неговиот историски центар – светско наследство на УНЕСКО –
каде што тесните улички од калдрма водат до скриени цркви, подземни катакомби и палати стари со векови.

КАПРИ - Издигнувајќи се од длабоките сини води на Тиренското Море, Капри е остров од соништата кој со
векови ги воодушевува посетителите. Познат по своите драматични карпи, тиркизни пештери и елегантен
шарм, Капри претставува совршена мешавина од природна убавина, луксуз и италијанската животна
убавина.

 

ПЛАН И ПРОГРАМА:

1 ден – 20.03.2026 (петок)
Состанок на групата на скопскиот аеродром, 2 часа пред летот. Лет од Скопје за Бари. Поаѓање во 14:30 часот, пристигнување во Бари во 15:40 часот. Трансфер до Неапол (патувањето трае околу 3 часа без запирања).
Панорамска прошетка низ градот со посета на главните знаменитости: Дуомо, Кралската палата, плоштадот Плебишито, театарот Сан Карло, Кастел Нуово итн. Сместување во хотел. Ноќевање.
2 ден – 21.03.2026 (сабота)
Појадок. Трансфер до пристаништето во Соренто и поаѓање со ферибот до островот Капри. Панорамска прошетка по островот со посета на: Вила Јовис, црквата Санта Марија, светилникот, Вила Сан Микеле, црквата Сан Микеле Арканџело. Враќање со ферибот до Соренто. Сместување и ноќевање во хотел.
3 ден - 22.03.2026 (недела)
Појадок. Пешачка тура низ Соренто со посета на пристаништето,
Катедралата, Манастирот Свети Франциск, Базиликата Сан Антонио итн.

Опционално:
-Поаѓање со брод до Позитано. Пешачка прошетка низ Позитано со
посета на црквата Санта Марија Асунта и Пристаништето.
-Поаѓање со брод до Амалфи. Пешачка тура низ Амалфи со посета
на Катедралата, Музејот на писмата, Киостро дел Парадизо итн.
-Продолжување со брод до Салерно. Пристигнување и панорамска
прошетка низ градот со посета на: Замокот Ареки, Катедралата,
Градините Минерва, шеталиштето итн.
Ноќевање.
4 ден – 23.03.2026 (понеделник)
Појадок. Трансфер до аеродромот во Бари. Лет Бари – Скопје.
Поаѓање во 16:15 часот, пристигнување во Скопје во 17:25 часот.

​

Во цената се вклучени следниве услуги:

• Авионска карта на релација Скопје – Бари - Скопје со Wizzair

• Аеродромски такси

• Бесплатен багаж со димензии 40 x 30 x 20 cm

• 3 ноќевања со појадок според програмата. 1 ноќевање во Салерно,

• 1 ноќевање во Соренто и 1 ноќевање во Неапол

• Фери брод Соренто - Капри.

• Расположливост за еднокреветна соба е на барање.

• Организиран превоз со автобус од аеродром до хотел и обратно

• Организирани панорамски разгледи на градовите со автобус и пратител

• Претставник на македонски јазик

• Организација на патувањето и придружник од Агенцијата за целиот престој

​

Во цената не се вклучени следниве услуги:

• Патничко осигурување

• Индивидуални трошоци

• Влез во туристичките знаменитости и музеи

• Факултативни излети

• Останати трошоци кои не се спомнати

• Препорачуваме 1€ на ден од возрасно лице како бакшиш за водичот

Напомена:
-Оваа тура е економски тип на патување, хотелите не се во централно градско порачје, во зависност од гужвата на патиштата, разгледувањата можат да претрпат промени во однос на времето и застанувањата при патувањето

​

Забелешка:

-Поради забраната за автобуски превоз по брегот на Амалфи, патувањата и екскурзиите во Позитано и Амалфи ќе се реализираат исклучиво со брод, по следната маршрута:
Соренто – Позитано → Позитано – Амалфи → Амалфи – Салерно.
Цената за ова патување со три бродови изнесува 50 евра.
За лицата кои нема да го изберат ова патување, ќе биде организиран автобуски превоз директно од Соренто до Салерно (по автопатот), со предвидено слободно време во Салерно.

​

Општи услови:

• Плаќањето е задолжително во денари (1€ = 61,8 ден)

• За ова патување потребен е валиден биометриски пасош со важност 90 дена од крајниот ден на патувањето

• Краен рок за откажување на аранжманот од страна на агенцијата: 7 дена пред патување

• За резервација задолжителна уплата од 100%

• Можност за откажување на аранжманот 15 дена однапред, со задржување на 50% пенали

• Откажување помалку од 15 дена пред патување: 100% пенали

• Промена на име на патникот може да се направи до 7 дена пред патување со доплата од 140 €

• Цените за влезници во објектите може да претрпат промена и не се загарантирани

• Редоследот на разгледувања во програмата може да се промени поради временски услови, гужва во сообраќајот или договор со патниците

• За овој аранжман важат општите услови на патување на Фибула Ер Травел