Доколку и ние како птиците, би ја имале привилегијата до го упатуваме својот поглед од небото кон прекрасниот полуостров Халкидики, веројатно честопати би не потсетувал на митологијата и на трозабецот на богот Посејдон, кој единствено тој можел така силно да го положи врз непрегледната површината на морето. Токму оваа исклучителна географска положба на Халкидики, веќе илјадници години го издвојува како еден од најубавите полуострови на медитеранот. Протегајќи се југоисточно од градот Солун и заливот Термаикос, кон заливот Стримоникос и сливот на реката Струма, Халкидики со своите три краци: Касандра, Ситонија и Атос, длабоко навлегува во Егејското море. Сите три краци, кои формираат преку петстотини километри долги песочни плажи, воедно му ја даваат и особеноста, на прекрасна хармонија од сино море, бел песок и бујно зеленило. Оваа природна идила, низ долгата историја на човековото постоење, не случајно за многумина и претставувала своевиден "рај на земјата". Веројатно е дека, токму таа убавина ги иницирала и монасите во минатото, токму тука – на третиот крак, да ја формираат својата единствена монашка држава во светот - "небесната Света гора".
Халкидики е полуостров со единствена убавина, претставува една од омилените туристички дестинации за нашите патници.  Самото име Халкидики потекнува од главниот град Халкида од каде на овој простор дошле првите жители уште од VII век п.н.е. Сето тоа укажува дека Халкидики отсекогаш бил атрактивен и привлечен. Покрај културно историското значење, секако природната убавина и богатство го истакнуваат Халкидики како една од најважните грчките области. Првенствено должината на брегот а потоа и пошуменоста и уреденоста како и развојот на вројните туристички центри, придонесуваат за популарноста на целиот регион Халкидики. 

​

Испланирајте ја вашата следна авантура со Голден Тур!

Бегство на Пелопонез, каде што Митот се среќава со историјата. Споменици од секој период на историјата со настани, големи археолошки локалитети; античка Олимпија, Епидаур, Микена и Тирин, храмот на Аполон Епикуриј, византиски цркви и манастири. Уживајте во разгледување и спортување; истражете уникатни села и примамливи замоци среде неверојатни природни убавини, планини и шуми, реки и пештери. Да не зборуваме дека Пелопонез е опкружен со море, со прекрасни плажи, песочни и мазни брегови на западниот дел – карпести и чипкасти на најисточната страна. Не е случајно што турнејата на Пелопонез е многу популарна меѓу патниците.

Испланирајте ја вашата следна авантура со Голден Тур!

Парга е најпопуларната дестинација за одмор во Епир! Пејзажот покрај морето во комбинација со колоритната архитектура на градот ќе ве потсети на грчките острови.
Венецијанскиот замок во градот ќе биде меѓу првите работи што ќе ви го привлечат вниманието! Покрај неверојатниот поглед на морето, бујната зелена природа и неверојатните глетки, ќе откриете плажи со егзотична атмосфера.

За да ви помогнеме да ги планирате вашите одмори, обезбедуваме туристички водич со информации за знаменитостите, врвните хотели и ресторани, плажите и препорачаните работи што треба да ги правите.

Таму може да стигнете со автомобил. Најблиските аеродроми се наоѓаат во Превеза и Јанина.

​

Испланирајте ја вашата следна авантура со Голден Тур!

Да се помине одредено време на остров, претставува несекојдневно и убаво искуство. Но велат дека, доколку тоа го направите на најсеверниот и најзелен грчки остров Тасос, тогаш таквото искуство е уште посилно. Привилегијата да се биде толку блиску до оваа природна реткост, беше само дополнителен мотив, овој остров повторно да се најде во овогодишната понуда. Зелениот остров, или “Островото на сирените” – како во митологијата го нарекувале, денес е еден од најпосетуваните грчки острови. Можеби уште при првата средба со него, ви станува сосема јасно за тоа. Мноштвото природни убавини, согледани низ прекрасните плажи, скриените ували, боровите шуми и бујната вегетација која се симнува до самото море, овој остров го прави налик на “Шума која плови”. Специфичниот и жив рељеф, сe карактеризира низ различните брегови и високите планински врвови кои допираат до над 1000 метри над морето. Неговиот пречник од 25км и вкупната должина на брегот (околу 100км) го вбројува во средните по големина грчки острови. Климата која пак, од сета таа природна специфичност се образува, престојот на него дури и ви жешките месеци го прави свеж и пријатен. Главен град е Лименас во кој се наоѓа и најголемото пристаниште. Добрите сообраќајни врски преку автопатот до Кавала, неговата мала оддалеченост од брегот, патот до Тасос го прави брз и поднослив особено за неговите туристи од Македонија